انكيد يجاوب على استفسارات العملاء بالعراقي، يرتب المواعيد، ويسوّي الطلبات - حته تكدر تركز على تطوير البزنز او العيادة وتقدم أحسن خدمة للزبون على مدار الساعة.
إذا عندك بيج، بزنز، او عيادة بالعراق، أكيد تواجه هاي المشاكل:
الزبائن يريدون جواب بالثانية على واتساب وإنستغرام، بس ما تكدر تكون موجود 24 ساعة
تقضي ساعات وانت ترتب المواعيد من خلال الرسائل
توظف ناس بس علمود يجاوبون على الرسائل، مكلف وصعب تدبرهم
لما تتأخر بالجواب، الزبون ينهزم ويروح لغير ناس (بذات)
تعيد الجواب مية مرة على نفس الأسئلة
تشتغل طول اليوم على الرسائل بدل ما تركز على المهم
شلون لو تكدر تسوي كل هاي الأمور أوتوماتيكي وبنفس الوقت تبقى تعطي خدمة شخصية ممتازة لكل زبون؟
انكيد هو مساعد ذكي يشتغل مع واتساب وإنستغرام بدون ما يغير شغلك. يفهم العربي زين، يعرف خدماتك من الصور اليدزها الزبون، ويسوي كلشي من ناحية الجواب على الأسئلة البسيطة لحد حجز المواعيد - وانت تركز على المهم.
يجاوب على أسئلة الزبون باستخدام معلومات عيادتك وخدماتها وقوانينها. يفهم شنو المريض يريد ويعطي جواب مفيد وصحيح.
الزبائن يكدرون يدزون صور للمنتجات اللي يريدونها، وانكيد راح يعرفها ويعطي المعلومات المطلوبة.
يحجز ويغير ويأكد المواعيد مباشرة من محادثات واتساب، ويربطها مع تقويمك.
يسمع الرسائل الصوتية من الزبون - واللي شائعة جداً عدنا (مدري شبيها العالم ما تكتب) - ويجاوب عليها.
حدث خدماتك وأسعارك وتوفرك بس بالمحادثة مع النظام أو ارفع ملف Excel. ما تحتاج تتعلم برامج معقدة.
اضبط وخصص انكيد بس بالمحادثة معاه. ما تحتاج خبرة تقنية.
احچي مع انكيد عن مكتبكك او عيادتك وكلة بالخدمات وباقي المعلومات والصور من خلال محادثة بسيطة.
اربط حساب واتساب للأعمال وإنستغرام. انكيد يبدي يجاوب من مباشرتا.
الزبائن يحصلون جواب فوري وصحيح على مدار الساعة. انت تحصل إشعارات للحالات المعقدة اللي تحتاج انتباهك.
الزبون:
"مرحبا، أريد موعد لفحص أسنان يوم الأحد"
انكيد:
"أهلين! حياك الله. فحص الأسنان العام يكلف 50 ألف دينار ويستغرق نص ساعة. عندنا مواعيد فاضية يوم الأحد الساعة 10 الصبح أو 2 بعد الظهر. أي وقت يناسبك أكثر؟"
بدل ما توظف 4-5 أشخاص لخدمة العملاء، وظف شخص واحد يشرف على انكيد. وفر آلاف الدنانير كل شهر على الرواتب واحصل على خدمة أحسن.
المرضى يحصلون جواب لأسئلتهم بالثانية، حتى لو نص الليل. خلاص انتهت الفرص الضايعة بسبب التأخير بالجواب.
يفهم اللهجة العراقية وطريقة تعاملنا وعاداتنا التجارية. مو مثل البرامج الأجنبية اللي ما تفهم شلون نشتغل هنا.
تعامل مع 10 أضعاف استفسارات المرضى بدون ما توظف موظفين أكثر. كبر شغلك بدون ما تزيد همومك.
النظام على السحابة مع نسخ احتياطية وتحديثات تلقائية. بيانات مرضاك محفوظة ومتاحة دائماً.
اضبط وأدر كلشي من واتساب اللي تستعمله كل يوم. ما في لوحات معقدة أو تدريبات تقنية.
انضم للعدد المتزايد من البيجات والمشاريع والعيادات العراقية اللي تستخدم الذكي الاصطناعي حته تقدم خدمة أحسن للزبون وتقلل المصاريف التشغيلية. ابدأ تجربتك المجانية اليوم وشوف الفرق اللي تسويه الأتمتة الذكية.
عندك أسئلة؟ اتصل بينا:
📧 karrar@digi-iraq.com